Журналист баласының менингиттен қалай жазылғанын айтып берді

Журналист Мұхамедияр Рашай баласының менингиттен қалай жазылғанын айтып берді. Бұл туралы ол 7 арнадағы "Өз ойым" бағдарламасында әңгімеледі. 

Оның айтуынша, бес жыл бұрын 7 жастағы ұлы менингит ауруын жұқтырған.

"Менингит дегенде көбі басқа салқын тигеннің әсерінен деп ойлайды. Балам таңертең сабаққа кеткен. Бір сағаттан кейін анасы мектептен ауырып, қайтып келгенін айтып, хабарласты. Түскі асқа келсем, балам қалшылдап жатыр екен. Дене қызуы 40-та тұр. Жедел жәрдем шақыртылып, емін жасағаннан кейін ыстығы басылғандай болған, бірақ қайтпады. Сонда анам дәрігер, дәрігерлердің өз заңдылығы болады. Ыстығы басылады екен деп күттік, бірақ қайтпады. Сөйтіп, баланың тұмау емес екені анық болды. Балам бесінші сағат ауырып жатқаннан кейін қайтадан жедел жәрдем шақырттым. Екінші келген дәрігер өзінің телефон нөмірін беріп кетті. "Егер екі сағатта қайтпаса, қоймай жедел жәрдем шақырыңыз, балаңызды алып кетсін" деді. Екі сағат өтті, баламның аяқ-қолы тартылып тұрды. Айғайлап жатып, үйге ақыры алғыздық. Сол кезде ғана балаңыз менингококк болуы мүмкін, себебі қалшылдап жатқанына жеті сағаттан асты", - деп әңгімеледі ол оқиғасы.

Содан, 11 сағат өткенде дәрігерлер баланы ауруханаға алып кеткен. Ауруханада баласын аурудың ауыр түрі жұқпағаны анықталған. Сөйтіп, баласы пункция алу арқылы ем жасалып, кейін емделіп шыққан екен.

Сондай-ақ, студияға осы дертті жұқтырып, жазылып шыққан Сандуғаш есімді кейіпкер өз оқиғасын баяндады. 2015 жылы оған вирус менингиті жұққан екен. Сол аурудан ол аты-жөнін де ұмытып қалған.