"Сіздер үшін еңбек етуге барымды саламын". Мейрамбек Бесбаев тағайындалуы жайлы

Әнші Мейрамбек Бесбаев өзінің тағайындалуы жайлы пікір білдірді, - деп хабарлайды Tengrinews.kz тілшісі.

Өзінің пікірін әнші Instagram желісіндегі парақшасында жазған.

"Бүгін Алматы қаласының әкімі Бақытжан Әбдірұлының бұйрығымен мәдениет саласының штаттан тыс кеңесшісі болып тағайындалдым. Қадірлі тілектес, рухтас бауырларым. Маған арнаған ақ тілек пен ниеттеріңізге мың алғыс. Алматы өнердің қайнаған ордасы. Күрмеуі қиын, күрделі мәселелері көп мәдениет саласында сіздер үшін еңбек етуге барымды саламын. Әр қадамыма сәттілік тілеген ағайынға рақметім шексіз", - деді әнші жазбасында.

© almaty.tv

"Биліктің қолшоқпары болмаймын". Мейрамбек Бесбаев саясатқа неге кетті

Еске салайық, бүгін Алматы қаласының әкімі Бақытжан Сағынтаев әнші Мейрамбек Бесбаевты мәдениет саласы бойынша штаттан тыс кеңесшісі етіп тағайындаған.