Әлібек Нағидолла Бәстемұлы - 1926 жылы мамырдың 14 жұлдызында Қарағанды облысы Нұра ауданында дүниеге келген. 1943 жылы 30 қаңтарда майданға шақырылды. 1943-1944 жылдары майданда взводтың бір бөлімшесінің командирі болды. 1944 жылдан бастап 1956 жылға дейін Прибалтика және Ленинград әскери аймақтарында взвод командирі қызметін атқарады.
Әскери борышын атқарып, 1956 жылдан 1958 жылға дейін Нұра ауданындағы МТС-те инструктор қызметінде жұмыс істеп, 1958-1960 жылдары Нұра аудандық партия комитеті хатшысының көмекшісі болды. 1960 жылы Алма-Ата қаласындағы Партияның жоғарғы мектебіне түсіп, 1964 жылы оны үздік бітіріп шығып, партия жұмыстарына жіберілді. 1964 жылы Нұра ауданындағы Чернигов совхозындағы партия комитетіне босатылған хатшы ретінде сайланды. 1966-1983 жылдары Нұра ауданындағы Нұра совхозының директоры болып жұмыс істейді. 1983 жылы зейнеткерлікке шықты, бірақ еңбек жолынан кетпей 1984-1990 жылдары Нұра совхозында инжернер-гидротехник қызметін атқарады. 1999 жылы 17 ақпанда дүние салады.
Ордендері мен медальдары:
- "Ұлы Отан соғысының І дәрежелі";
- "Құрмет белгісі" ордендермен;
- "Еңбек үздігі";
- "Майдандағы еңбек үшін" медальдарымен марапатталған.
