Оспанов Дихан Оспанұлы - 1913 жылы мамыр айында Қарағанды облысы Нұра ауданы Кеңжарық ауылында дүниеге келген. Білімі - зоотехник курсын бітірген. Кейін жұмыс орны зоотехник, завхоз және қой баққан. Майданға 1941 жылы қараша айында 3 ай бойы Ақмолада (қазіргі Астана қаласы) дайындықтан өтіп, 1942 жылы наурыздың басында Сталинградтың түбінде, Курскіде т.б шайқастарға қатысқан.
1945 жылға дейін соғыста болған. Майданнан оралғаннан кейін әр түрлі салада жұмыс атқарған және зоотехник оқуын бітіріп, жұмысын жалғастырған. Майданға кетерінің алдында 1940 жылы шаңырақ көтерген. Алты баланың әкесі: 3 қыз, 3 ұл. Әскери атағы - кіші сержант. 1989 жылы тамыз айында қайтыс болған.
- "Праганы босатқаны үшін" медалімен марапатталған.
- КСРО қорғаныс министрінің №28 (22наурыз 1990жылдың) бұйрығы бойынша Нұра ауданы Ұлы Отан соғысының ІІ дәреже орденімен марапатталған.
