Скляр "Қазақстанда көлікке дөңгелек сала салады" деген қауесет туралы пікірін айтты

Премьер-министрдің бірінші орынбасары Роман Скляр Қазақстанда "көлікке дөңгелек сала салады" деген қауесетке қатысты пікірін айтты, - деп хабарлайды Tengrinews.kz тілшісі.

"Өкінішке қарай, қауесет заманында өмір сүріп жатырмыз. Ең сорақысы фейктер заманы. Утильалым деген не? Бұл ең алдымен экологиялық проблеманы шешетін экологиялық налық. Тағы бір маңыздысы бұл меншікті өндірістерді дамыту үшін ынталандыру шарасы. Қазақстан бұл жағынан көшбасшы емес. Қандай да бір шектеулер отандық тауар өндірушілерді қорғау үшін жасалады. Әңгіме автопром туралы болып тұр. "Сарапшылар" таратып жүрген қауесеттің бірі - бізде автопром жоқ, біз көлікке дөңгелек сала саламыз. Зауыттарға барып өз көзімен көрген қоғам белсенділері, блогерлер бар. Олар көрген нәрсесіне қанағаттанды деп ойлаймын", - дейді Скляр "Хабар 24 телеарнасына берген сұхбатында. 

Бұған дейін экология, геология және табиғи ресурстар министрі Серікқали Брекешев автокөліктер мен ауыл шаруашылығы техникаларын қайта өңдеу төлемінің жаңа мөлшерлемесі 23 ақпанда жарияланатынын мәлімдеген еді.

Еске салайық, 19 қаңтарда Үкімет "ӨКМ Операторы" ЖШС-ға қатысты қаулы қабылдады, онда утильалым төлемі есебінен құрылған активтерді мемлекет меншігіне алу туралы шешім қабылданды.