Маман симптомсыз науқастар емделмеуі керегін айтты

Коронавирус індетінің белгілері жоқ науқастар емделмеуі керек. Бұл туралы жұқпалы аурулар бойынша жетекші маман Динагүл Баешева айтты, деп хабарлайды Tengrinews.kz тілшісі.

Оның айтуынша, коронавирус жұқтырған, алайда індеттің белгілері байқалмаған науқастар оқшалануы қажет.

"Симптомсыз науқастан аурудың белгілері байқалмайды. Симптомсыз және аурудың жеңіл өту жағдайы 80 пайыз. Симптомсыз науқастан індеттің клиникалық белгілері байқалмайды. Соған қарамастан олар жанындағыларға эпидемиологиялық қауіп төндіреді. Әрине, олар түшкірмейді, жөтелмейді. Олар желдетілетін бөлмеде оқшауланып, санитарлық гигиеналық талапты орындауы керек", - дейді маман орталық коммуникациялар қызметінде өткен брифингте.

Динагүл Баешева симптомсыз науқастар емделмеу керегін атап өтті.

"Алайда симптомсыз науқастар емделмеуі керек. Мұндай жағдайда организм өзін-өзі емдейді. Сондықтар олар емделмейді", - дейді ол.

Айта кетейік, осыған дейін денсаулық сақтау министрі міндетін атқарушы Ләззат Ақтаева СOVID-19 вирусын жұқтыру өсімі 15 өңірде өскенін айтқан болатын.

Қазақстанда коронавирус жұқтырғандар саны 15 887-ге жетті. 9902 науқас дертінен айықты, 100 адам қайтыс болды.