Коронавирустың кез келген штамына қарсы тиімді - ДСМ вакцина туралы

Коронавирустың қандай штаммы болса да, қазір әзірленіп жатқан вакциналар оларға қарсы тиімді болады. Бұл туралы ДСМ Қоғамдық денсаулық сақтау ұлттық орталығының ғылыми кеңесші Әлім Акимбаев айтты, - деп хабарлайды Tengrinews.kz тілшісі. 

"Вакцина кейінгі уақытта шыққан штамдарға қарсы да тиімді болады. Бұл жерде бір нәрсені түсіну керек: қандай мутация болса да, ол бірінші кезекте - коронавирус. Қазір әзірленіп жатқан вакциналар коронавирустың кез келген түріне қарсы иммунитет пайда болуы үшін салынады. Маған қазақстандық вацинаның ұнайтыны: оның антиген спектрі кеңдеу. Сондықтан, ол коронавирустың түрлі штаммына қарсы тиімді болады", - деді ол ОКҚ-дағы онлайн-брифингте.

Сондай-ақ, Әлім Акимбаев таяуда коронавирус жұқтырып, аурудан айығып, антидене қалыптасқан адамдарға вакцина салдыру-салдырмау мәселесін анықтап берді. 

"Антидене бар болса, вакцина салдырудың керегі жоқ. Бірақ белгілі бір уақыт өткеннен кейін екпе ектіру қажет болуы мүмкін", - деді ол. 

Айта кетейік, Қазақстанда коронавирусқа қарсы вакцинация 1 ақпанда басталады. Алдымен осал топтағы адамдарға екпе егіледі. 

• 1 ақпанда басталатын бірінші кезеңде инфекциялық аурухана, жедел медициналық жәрдем, реанимация және қабылдау бөлмелері, санэпидқызмет медицина қызметкерлері вакцина ала алады.
• 1 наурызда басталатын екінші кезеңде жалпы білім беретін мектептердің, ЖОО-ның педагогтері, медициналық қызмет қызметкерлері.
• 1 сәуірден бастап үшінші кезеңде: мектеп-интернаттардың, мектепке дейінгі балалар мекемелерінің педагогтері, студенттер және созылмалы ауруы бар адамдар егу салдырады.