Коронавирус жұқтырып, ауырып шыққандар да вакцина салдыруы керек пе?

Коронавирус жұқтырып, ауырып шыққандар да вакцина салдыруы керек, - деп хабарлайды Tengrinews.kz тілшісі. 

Бұл туралы Алматы қаласы қоғамдық денсаулық басқарма басшысының орынбасары Лаура Мырзағали айтты. 

"Дүниежүзілік денсаулық сақтау ұйымы екпені коронавирус жұқтырып, ауырып шыққандарға да салуды ұсынған. Мысалы біздің басқарманың басшысы да коронавирус жұқтырып, ауырып шыққан. Бірақ вакцина салдырды. Сонымен қатар, СЭС басшысы да вакцинация басталған кезде бірінші күні-ақ екпе салдырды", - деді Лаура Мырзағали Өңірлік коммуникациялар қызметінде өткен брифингте. 

Еске салайық, елімізде 1 ақпаннан бастап коронавирусқа қарсы вакцина салу басталды. Екпе кезең-кезең бойынша жүргізіледі. Алматыда бірінші кезең аяқталды. 

Вакцинация кезеңдері

Жыл соңына дейін 6 миллион қазақстандыққа вакцина салынады - Цой

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!