Қазақстанда қанша адам екінші рет коронавирус жұқтырғаны айтылды

Елімізде коронавирус инфекциясын қанша адам қайтадан жұқтырғаны белгілі болды, - деп хабарлайды Tengrinews.kz тілшісі. 

Бұл туралы ДСМ санитариялық-эпидемиологиялық бақылау комитетінің төрағасы Айжан Есмағамбетова айтты. 

"Бүгінде өңірлерде коронавирусты қайтадан жұқтыру бойынша 589 жағдай расталды. Қазақстан коронавирусты қайтадан жұқтыру дерегі тіркелген жалғыз ел емес. Өкінішке қарай, өзге елдерде де вирусты қайта жұқтыру тіркелгенін көріп отырмыз. Кейбір зерттеу бойынша, коронавирус көбіне 60 жастан асқандарға жұғады", - деді Есмагамбетова ОКҚ алаңында. 

Айта кетейік, бұған дейін вакцина салдырған 104 қазақстандықтан коронавирус анықталғаны хабарланған.