Қазақстанда екі бала Кавасаки синдромынан қайтыс болды - ДСМ

Қазақстанда екі бала мультисистемалық қабыну синдромынан (Кавасаки синдромы - авт.) қайтыс болды. Бұл туралы Денсаулық сақтау министрлігінің ресми өкілі Бағдат Қожахметов айтты, - деп хабарлайды Tengrinews.kz тілшісі.

"Мультисистемалық қабыну синдромы анылталған балаларға тоқталсам, бүгінгі таңда 45 жағдай тіркелген. Жас ерекшелігіне келсек, 2 бала 1 жасқа толмаған, 1-5 жас арылығында 11 бала, 5-17 жас аралығында 28 бала тіркелді. Өкінішке қарай, Нұр-Сұлтан және Алматы қалаларында екі бала қайтыс болды. Ең көп жағдай елордада тіркеліп отыр - 11 бала. Ақмола, Қарағанды облыстары және Алматы қаласында 5 жағдай, ШҚО, Шымкент қаласында 3 жағдай, Ақтөбе, Атырауда тағы 2 жағдай, Алматы облысы, Жамбыл, Маңғыстау, Павлодар және Түркістан облысынтарында 1 жағдайдан анықталды. Қазір 38 бала жазылып шықты, біреуі стационарда әлі де емделіп жатыр", - деді Қожахметов ОКҚ онлайн-брифингте.

Еске салайық, балалар арасында Кавасаки синдромы COVID-19 вирусын жұқтырып, жеңіл не симптомсыз ауырғаннан кейін 2-3 аптадан кейін пайда болады. Мамандар мұны инфекциядан кейінгі асқыну деп отыр.

Қазақстан жаңалықтары. Соңғы жаңалықтар. Telegram желісінде бізге жазыл!