Қазақстан эпиджағдай бойынша төрт толқыннан өтті - Цой

Қазақстан эпидемиологиялық жағдай бойынша коронавирустың төрт толқынынан өтті, - деп хабарлайды Tengrinews.kz тілшісі. 

Бұл туралы денсаулық сақтау министрі Алексей Цой Мәжілістің үкімет сағатында хабарлады. 

"Бүгінде Қазақстан коронавирустың төрт толқынынан өтті. Олар коронавирус инфекциясының жаңа нұсқаларының пайда болуымен байланысты. Кейінгі кезде ауру өсімі кезінде бір тәуліте 7800 жағдай тіркелді. Коронавирус бойынша уақытында алдын алу және эпидемияға қарсы шараларды қолдану аурудың тарауын ұстап тұруға және елдегі эпидахуалдың тұрақтануына себеп болды. Бүгінде коронавирус бойынша эпиджағдай тұрақты. Бір тәулікте 2000-ға жуық жағдай тіркеліп жатыр", - деді министр. 

Еске салайық, коронавирус пандемиясы басталғалы елде 905 641 жағдай тіркелді, оның 847 456-сы аурудан айықса, 11 559 адам қайтыс болды.