Қаржы министрлігі қай елдерге қомақты қаржы жиі аударылатынын айтты

ҚР Қаржы министрлігі қаржы мониторингі комитеті төрағасының орынбасары Ғабит Лесбеков елімізден 27 триллион теңге шетелге аударылғанын айтты, - деп хабарлайды Tengrinews.kz тілшісі.

Ол елден шығарылған капиталдар бойынша қысқаша баяндама жасап, маңызды мәселеге назар аударды.

"Қазіргі таңда базамыздағы мәліметке сәйкес, бізге 1 миллион 643 мың 320 хабарлама түсті. Нәтижесінде жалпы сомасы 27 триллион теңге елден шығарылды. Бұл ақшаның 80 пайызы 5 елге: Ұлыбритания, Ресей, Қытай, Швейцария, АҚШ-қа аударылған. Ал Ұлыбритания, Ресей бірінші орында тұр. Бұл мемлекеттерге 27 триллион теңгенің шамамен 10 триллион теңгесі аударылды", - деді Ғабит Лесбеков сенат комитетінің отырысында.