Бас санитар дәрігер коронавирус қандай ауруы бар адамдарға аса қауіпті екенін айтты

Қазақстанның бас санитар дәрігер Айжан Есмағанбетова COVID-19 вирусы созылмалы ауруы бар науқастар үшін аса қауіпті екенін айтты, деп хабарлайды Tengrinews.kz тілшісі.

Бас санитар дәрігер бұл топтағы науқастар коронавирусты анықтауға тест тапсыратынын жеткізді.

"Коронавирус инфекциясы созылмалы инфекциялық ауруы бар адамдар үшін аса қауіпті. Қант диабеті, семіздік, жүрек-қан тамыры, тыныс аурулары бар науқастар мен жүкті әйелдер тексеріледі", - деді ол.

Айта кетейік, елімізде коронавирус жұқтырғандардың саны 3078-ге жетті. 774 науқас жазылды, 25 адам қайтыс болды.