"Арандатушыларға сенбеңіз". Вице-министр қазақстандықтарға үндеу жасады

Бас мемлекеттік санитар дәрігер Ерлан Киясов қазақстандықтарды коронавирусқа қарсы вакцинацияға қатысты жалған ақпаратқа сенбеуге шақырды, - деп хабарлайды Tengrinews.kz тілшісі.

"Қазір БАҚ пен әлеуметтік желілерде вакцинацияның зияны туралы жалған ақпарат жиі тарап кетті. Осыған байланысты сіздерден тек ресми дереккөзге сенуге, мединициналық қызметкерлердің ұсынымдарын орындауға және арандатушылар мен жалған сарапшылардың алдауына түсіп қалмауға шақырамын. Вакцинация инфекциямен күрес кезінде тиімділігін бірнеше рет дәлелдеді. Бүгінде бұл инцекциядан қорғанудың ең тиімді жолы болып тұр", - деді Қиясов ОКҚ онлайн-брифингінде.

Айта кетейік, елімізде 1 ақпаннан бастап КВИ-ге қарсы жаппай вакцинациялау басталды. Алғашқылардың бірі болып вице-министрлер Ерлан Қиясов және Ажар Ғиният вакцина салдырды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!