Таразда кинотеатрға түнде кірген 100-ге жуық адам ұсталды

Таразда түнде жасырын жұмыс істеген кафе мен кинотеатр қожайындарына айыппұл салынды. Олар мониторинг тобына есік ашпай, алдамақ болған. Бұл туралы Aibat жаңалықтар қызметі мәлім етті, - деп хабарлайды Tengrinews.kz тілшісі. 

Aibat мәліметінше, өңірдегі кафелердің бірінің қожайыны жарты сағат бойы есік ашпаған соң, тексерушілер кафеге арнайы жасақ шақыртып, есігін бұзып кіруге мәжбүр болған. Ішке басып кірген мамандар 100-ге жуық адамды ұстап, хаттама толтырды. Есікті бұзғанша келушілердің біразы қашып үлгерген.

Кейін мониторинг тобы Тараздағы кинотеатрға барған. Есігі жабық болғанымен, ауласында көлік көп екені байқалған. "Ашпасаңдар, есік бұзылады" деген ескертуден кейін кинотеатр қожайыны тексерушілерді көрермені жоқ залды көрсетіп алдамақ болған. Бірақ жасырын залда 80-нен аса адам бары анықталды.

Кино көруге келгендер билет құнын қайтарып алды. Ал карантинге қарамастан жұмыс істеген кәсіпкерге 700 мың теңге көлемінде айыппұл салынды. Бірақ бизнесмен ешқандай қаулы туралы естіген жоқпын деп ақталуға тырысты.

"Біз қаулымен танысқан жоқпыз, бізге ешкім алып келген жоқ. Ешкім ескерткен жоқ", - деді кинотеатр директоры Қайрат Әбітаев. 

"Біз өзімізге тиісті жұмысты істедік. Қазіргі таңда мына ахуалға байланысты күшейтілген түрде 4 топ 4 жақтан жүреді", - деді Тараз әкімдігінің бөлім басшысы Айдын Алтай. 

Посмотреть эту публикацию в Instagram

Публикация от @aibat__kz